Nevojitet një ligj për filialet e kompanive të mëdha që operojnë në Shqipëri për të mos transferuar fitimet e tyre jashtë
Dekani i fakultetit të Ekonomisë, Omer Stringa, tha për RTV SCAN se, Qeveria duhet të garantojë moslargimin e fitimit të këtyre kompanive. Sipas Stringës, efektet e krizës që po kalojnë këto vende do të ndihen edhe në vendin tonë duke ngadalësuar ritmin e rritjes ekonomike.
Për një përballim më të mirë të efekteve negative, Stringa thotë se, është e nevojshme që Qeveria gjatë viti 2012 të ulë shpenzimet dhe të transferojë investimet nga publike në private.
Eksperti i ekonomisë, Zef Preçi, thotë gjithashtu se, për të përballuar situatën e krizës nevojitet një mirëmenaxhim i financave publike, mbajtja e klimës më të mirë për biznesin dhe zgjerim i politikave sociale qeveritare, për të mbështetur shtresat e varfëra.
Preçi propozon përshkallëzimin e tatimit mbi fitimin për të gjitha ato kompani që kanë normë fitimi mbi 20%, në këtë mënyrë do të rikuperoheshin të ardhurat nga rënia e remitancave. Por, një politikë e taksës përshkallëzuese bie ndesh me politikat qeveritare, që kanë krijuar një ambient sa më të përshtatshëm për biznesin dhe për tërheqjen e investimeve të huaja direkte.
Dekani i fakultetit të Ekonomisë, Omer Stringa, tha për RTV SCAN se, Qeveria duhet të garantojë moslargimin e fitimit të këtyre kompanive. Sipas Stringës, efektet e krizës që po kalojnë këto vende do të ndihen edhe në vendin tonë duke ngadalësuar ritmin e rritjes ekonomike.
Për një përballim më të mirë të efekteve negative, Stringa thotë se, është e nevojshme që Qeveria gjatë viti 2012 të ulë shpenzimet dhe të transferojë investimet nga publike në private.
Eksperti i ekonomisë, Zef Preçi, thotë gjithashtu se, për të përballuar situatën e krizës nevojitet një mirëmenaxhim i financave publike, mbajtja e klimës më të mirë për biznesin dhe zgjerim i politikave sociale qeveritare, për të mbështetur shtresat e varfëra.
Preçi propozon përshkallëzimin e tatimit mbi fitimin për të gjitha ato kompani që kanë normë fitimi mbi 20%, në këtë mënyrë do të rikuperoheshin të ardhurat nga rënia e remitancave. Por, një politikë e taksës përshkallëzuese bie ndesh me politikat qeveritare, që kanë krijuar një ambient sa më të përshtatshëm për biznesin dhe për tërheqjen e investimeve të huaja direkte.